పోతన తెలుగు భాగవతం గణనోపాఖ్యానం: వామన వైభవం

Monday, November 7, 2016

వామన వైభవం - 17

8-489. క

నీ రమణుని సేవింపుము

నా రూపము మానసించి నళినీ! గర్భా

గారంబు వచ్చి చొచ్చెద

గారామునఁ బెంపవమ్మ కరుణన్ నన్నున్.

టీకా:

నీ = నీ యొక్క; రమణుని = భర్తను; సేవింపుము = కొలువుము; నా = నా యొక్క; రూపమున్ = రూపమును; మానసించి = మనసులో నిలుపుకొని; నళినీ = సుందరి; గర్భాగారంబున్ = గర్భాశయమును; వచ్చి = వచ్చి; చొచ్చెదన్ = ప్రవేశించెదను; గారమునన్ = గారముగా, ప్రేమతో; పెంపవు = పెంచుము; అమ్మ = తల్లి; కరుణన్ = దయతో; నన్నున్ = నన్ను.

భావము:

నా రూపాన్ని స్మరించుకుంటూ నీ భర్తను సేవించు నేను. నీగర్భంలో చేరుతాను మక్కువతోనూ కనికరంతోనూ నన్ను పెంచు తల్లీ!