10.1-638-మ.
కటిచేలంబు
బిగించి పింఛమునఁ జక్కం గొప్పు బంధించి దో
స్తట సంస్ఫాలన మాచరించి చరణద్వంద్వంబుఁ
గీలించి త
త్కుటశాఖాగ్రము
మీఁదనుండి యుఱికెన్ గోపాలసింహంబు
ది
క్తటముల్
మ్రోయ హ్రదంబులో గుభగుభధ్వానం బనూనంబుగన్.
కటి = మొలనున్న; చేలంబున్
= వస్త్రమును; బిగించి = గట్టిగా కట్టి; పింఛమునన్ = నెమలి పింఛముతో; చక్కన్ = చక్కగా;
కొప్పున్ = జుట్టుముడిని; బంధించి = కట్టి;
దోస్తట = అరచేతులు రెంటిని; సంస్ఫాలనము =
చఱచుట; ఆచరించి = చేసి; చరణ = కాళ్ళు;
ద్వంద్వంబున్ = రెంటిని; కీలించి = కీళ్ళువంచిబిగించి; తత్ = ఆ యొక్క; కుట = చెట్టు; శాఖా = కొమ్మ; అగ్రము
= కొన; మీద = పై; నుండి = నుండి;
ఉఱికెన్ = దుమికెను; గోపాల = గొల్లవాడైన;
సింహంబు = అతి పరాక్రమవంతుడు; దిక్తటముల్ =
దిగ్భాగములు; మ్రోయన్ = మారుమోగిపోవునట్లు; హ్రదంబు = మడుగు; లోన్ = లోనికి; గుబగుబ = గుబగుబ అనెడి; ధ్వానంబు = శబ్దములు;
అనూనంబు = అధికముగ; కన్ = కలుగునట్లు.
१०.१-६३८-म.
कटिचेलंबु बिगिंचि पिंछमुनँ जक्कं गोप्पु बंधिंचि दो
स्तट संस्फालन माचरिंचि चरणद्वंद्वंबुँ गीलिंचि त
त्कुटशाखाग्रमु मीँदनुंडि युर्रिकेन् गोपालसिंहंबु दि
क्तटमुल् म्रोय ह्रदंबुलो
गुभगुभध्वानं बनूनंबुगन्.
నడుముకున్న
దట్టీగుడ్డని గట్టిగా బిగించి కట్టుకున్నాడు. తలవెంట్రుకల కొప్పు నెమలి పింఛంతో
బిగించి కట్టుకున్నాడు. రెండు చేతులతో భుజాలు చరచాడు. రెండుకాళ్ళు కీళ్ళు బిగించి సింహపరాక్రమశాలి
గోపాలబాలుడు ఆ చెట్టు కొమ్మ మీదనుంచి కాళింది మడుగులోకి కుప్పించి దూకాడు. దూకిన
వేగానికి గుభీలు మని పెద్ద శబ్దం వచ్చింది. దిక్కులన్నీ ప్రతిధ్వనించాయి.
: :చదువుకుందాం
భాగవతం; బాగుపడదాం మనం అందరం: :
No comments:
Post a Comment