కృష్ణలీలలు

10.1-379-కంద పద్యము

ఆ లలన గట్టె ఱోలన్

లీలన్ నవనీతచౌర్యలీలుం బ్రియవా

గ్జాలుం బరివిస్మిత గో

పాలున్ ముక్తాలలామ ఫాలున్ బాలున్.

            ఇలా యశోద అవతార రహస్యాలు ఎత్తుకుంటూ దొంగకృష్ణుని ఎత్తిపొడిచి, అతనిని రోలు ఒకదానికి కట్టేసింది.  ఆ దుడుకు పిల్లాడు వెన్నదొంగిలించటమనే క్రీడ కలవాడు, సంతోషాలు పంచుతూ గలగలా మాట్లాడు వాడు. తల్లి తనను కట్టిసినందుకు ఆశ్చర్యపోతున్నట్లు కనబడుతున్న గొల్లపిల్లాడు. ముత్తెపుబొట్టు నుదుట అలంకారంగా మెరుస్తున్న వాడు.

10.1-379-kaMda padyamu

aa lalana gaTTe RrOlan

leelan navaneetachauryaleeluM briyavaa

gjaaluM barivismita gO

paalun muktaalalaama phaalun baalun.

          ఆ = ఆ; లలన = ఇంతి; కట్టెన్ = కట్టివేసెను; ఱోలన్ = రోటికి; లీలన్ = అవలీలగా; నవనీతచౌర్యలీలున్ = వెన్నదొంగను; ప్రియ = ఇంపైన; వాక్ = మాటల; జాలున్ = అనేకముపలుకువానిని; పరి = మిక్కిలిగా; విస్మిత = ఆశ్చర్యపోతున్న; గోపాలున్ = యాదవులు కలవానిని; ముక్తా = ముత్యాల; లలామ = ఆభరణము; ఫాలున్ = నుదుటకలవానిని; బాలున్ = బాలకృష్ణుని.

http://telugubhagavatam.org/?tebha&Skanda=10.1&Ghatta=54&Padyam=379.0

: : చదువుకుందాం భాగవతం; బాగుపడదాం; మనం అందరం : :