రుక్మిణీకల్యాణం - కొందఱు రిపులని

 

94- క.

కొందఱు రిపులని కీడును;

గొందఱు హితులనుచు మేలుగూర్పవు; నిజ మీ

వందఱి యందును సముఁడవు;

పొందఁగ నేలయ్య విషమబుద్ధి? ననంతా!

          శాశ్వతుడవైన దేవా! నిజానికి నీవు సర్వ సముడవు. ఎవరిని శత్రువులుగా చూసి కీడు చేయవు. ఎవరిని కావలసినవారుగా చూసి మేలు చేయవు. అలాంటి నీకు ఎందుకయ్య ఇలాంటి భేదబుద్ది. - రుక్మి శిరోజములు తొలగించిన కృష్ణునితో బలరాముడు ఇలా అనసాగాడు.  

94- ka.

koMdaRru ripulani keeDunu;

goMdaRru hitulanuchu mElugoorpavu; nija mee

vaMdaRri yaMdunu samuM~Davu;

poMdaM~ga nElayya viShamabuddhi? nanaMtaa!

          కొందఱున్ = కొంతమంది; రిపులు = శత్రువులు; అని = అని; కీడును = చెడును; కొందఱున్ = కొంతమంది; హితులు = ఇష్ఠులు; అనుచున్ = అని; మేలున్ = మంచిని; కూర్పవు = కలిగింపవు; నిజము = సత్యము ఇది; ఈవు = నీవు; అందఱి = అందరి; అందును = ఎడల; సముడవు = సమ భావము గలవాడవు; పొందగన్ = పొందుట; ఏలన్ = ఎందుకు; అయ్య = తండ్రీ; విషమ = భేద; బుద్ధిన్ = బుద్ధిని; అనంతా = కృష్ణా {అనంతుడు - దేశ కాల వస్తువులచేత మేరలేని వాడు, విష్ణువు}.

http://telugubhagavatam.org/?tebha&Skanda=10.1&Ghatta=209&Padyam=1773.0

: : చదువుకుందాం భాగవతం; బాగుపడదాం; మనం అందరం: :