రుక్మిణీకల్యాణం – ఆలోపల

46- క.

ఆలోపల నేకతమున

నాలోలవిశాలనయన యగు రుక్మిణి ద

న్నా లోకలోచనుఁడు హరి

యాలోకము చేసి కదియఁ డని శంకితయై.

          ఇంతట్లో చలించుచున్న్ పెద్ద పెద్ద కళ్ళున్న ఆ రుక్మిణీదేవి తనలోతాను తన ఏకాంతమందిరంలో “సూర్యచంద్రులు కన్నులుగా ఉండుట వల్ల లోకాలకు చూసే శక్తిని ఇచ్చేవాడైన కృష్ణుడు ఏకారణంచేతనైనా తన మీద దృష్టిపెట్టి తనను చేర రాడేమో” నని బెంగపెట్టుకుంది.

46- ka.

aalOpala nEkatamuna

naalOlavishaalanayanayagu rukmiNi da

nnaa lOkalOchanuM~Du hari

yaalOkamu chEsi kadiyaM~ Dani shaMkitayai.

          ఆలోపలన్ = ఆ సమయమునందు; ఏకతమునన్ = ఏకాంతముగ; ఆలోల = చలించెడి; విశాల = పెద్దపెద్ద; నయన = కనులుగలామె; అగు = ఐన; రుక్మిణి = రుక్మిణీదేవి {రుక్మిణి - రుక్మము (బంగారము) కలిగినామె}; తన్నున్ = ఆమెను; ఆ = ఆ ప్రసిద్ధుడైన; లోకలోచనుడు = కృష్ణుడు {లోకలోచనుడు - లోకప్రకాశకులైన సూర్య చంద్రులు కన్నులుగా కలవాడు, లోకములకు కన్నుల వంటివాడు, విష్ణువు}; హరి = కృష్ణుడు; ఆలోకము = చూసి; కదియడు = సమీపించడు; అని = అని; శంకిత = సంశయము కలది; ఐ = అయ్యి.

http://telugubhagavatam.org/?tebha&Skanda=10.1&Ghatta=205&Padyam=1725

: : చదువుకుందాం భాగవతం; బాగుపడదాం; మనం అందరం  : :