రుక్మిణీకల్యాణం – ఆ లలన రూపు

17- క.

ఆ లలన రూపు బుద్ధియు

శీలము లక్షణము గుణముఁ జింతించి తగన్

బాలారత్నముఁ దన కి

ల్లాలుగఁ జేకొందు ననుచు హరియుం దలఁచెన్.

          ఆ సుందరి అందచందాలు, మంచిబుద్ది, శీలం, నడవడిక, సుగుణాలు, తెలిసి కృష్ణుడు కూడా రుక్మిణీ కన్యకా రత్నాన్ని పెళ్ళి చేసుకుందా మనుకొన్నాడు.

17- ka.

aa lalana roopu buddhiyu

sheelamu lakShaNamu guNamuM~ jiMtiMchi tagan

baalaaratnamuM~ dana ki

llaalugaM~ jEkoMdu nanuchu hariyuM dalaM~chen.

          ఆ = ఆ యొక్క; లలన = సుందరి యొక్క; రూపు = రూపసౌందర్యము; బుద్ధియున్ = చక్కటిప్రజ్ఞ; శీలము = నడవడిక; లక్షణము = మంచి లక్షణములు; గుణమున్ = సుగుణములు; చింతించి = విచారించి; తగన్ = తగినట్లు; బాలా = కన్యకలలో; రత్నమున్ = శ్రేష్ఠురాలిని; తన = అతని; కిన్ = కి; ఇల్లాలుగన్ = భార్యగా; చేకొందును = చేపట్టెదను; అనుచున్ = అని; హరియున్ = కృష్ణుడు కూడ; తలచెన్ = భావించెను.

http://telugubhagavatam.org/?tebha&Skanda=10.1&Ghatta=203&Padyam=1695

: : చదువుకుందాం భాగవతం; బాగుపడదాం; మనం అందరం  : :