తెలుగు భాగవత తేనె సోనలు – 284

తరణంబులు

11-15-క.

తరణంబులు భవజలధికి

హరణంబులు దురితలతల కాగమముల కా

భరణంబు లార్తజనులకు

శరణంబులు, నీదు దివ్యచరణంబు లిలన్‌.

          ఓ శ్రీకృష్ణా! భూలోకంలో నీ దివ్యమైన శ్రీచరణాలు సంసారసాగరాన్ని దాటించే తెప్పల వంటివి. పాపాలనే పాశాలను హరించునవి. ఆగమాలకు ఆభరణాలైనవి. ఆర్తు లైన వారికి శరణు వొసంగెడివి.

విశ్వామిత్ర, వసిష్ఠ, నారదాది మహర్శులు వచ్చి దర్శించి ద్వారకానగరంలో దివ్యంగా కొలువున్న వాసుదేవుని ప్రార్తిస్తున్నారు.

11-15-ka.

taraNaMbulu bhavajaladhiki

haraNaMbulu duritalatala kaagamamula kaa

bharaNaMbu laartajanulaku

SaraNaMbulu, needu divyacharaNaMbu leelan.

          తరణంబులు = దాటించెడి తెప్పలు; భవ = సంసార; జలధి = సముద్రమున; కిన్ = కు; హరణంబులు = హరించెడివి; దురిత = పాపాలు అనెడి; లతలు = తీవెల; కిన్ = కు; ఆగమములు = వేదాల; కిన్ = కు; ఆభరణంబులు = అలంకారములు; ఆర్త = ఆర్తులైన; జనులు = వారి; కున్ = కు; శరణంబులు = రక్షించునవి; నీదు = నీ యొక్క; దివ్య = దివ్యమైన; చరణంబు = పాదములు; ఇలన్ = భోలోకములో.

http://www.telugubhagavatam.org/products.php?psid=428&catid=6&scatid=28&ccatid=

~~~|సర్వేజనాః సుఖినోభవంతు|~~~