తెలుగు భాగవత తేనె సోనలు – 252

హంతవ్యుడు

7-189-క.

హంతవ్యుఁడు రక్షింపను

మంతవ్యుఁడు గాడు యముని మందిరమునకున్

గంతవ్యుఁడు వధమున కుప

రంతవ్యుం డనక చంపి రం డీ పడుచున్.

          ఈ పిల్లాడు చంపదగినవాడు కాని రక్షింప దగినవాడు కాదు. చిన్న కుర్రాడిని చంపడం ఎందుకని ఆలోచించంకండి. యమలోకానికి పంపదగినవాడు కనుక వెంటనే ప్రహ్లాదుడిని చంపేసి రండి.

అని హిరణ్యకశిపుడు తన రాక్షసభటులను ఆజ్ఞాపిస్తున్నాడు.

7-189-ka.

haMtavyu@MDu rakshiMpanu

maMtavyu@MDu gaaDu yamuni maMdiramunakun

gaMtavyu@MDu vadhamuna kupa

raMtavyuM Danaka chaMpi raM Dee paDuchun.

          హంతవ్యుడు = చంప దగినవాడు; రక్షింపను = కాపాడుటకు; మంతవ్యుడు = యోచింప దగినవాడు; కాడు = కాడు; యముని = యముడి యొక్క; మందిరమున్ = ఇంటి; కున్ = కి; గంతవ్యుడు = పోదగినవాడు; వధమున్ = చంపుట; కున్ = కు; ఉపరంతవ్యుడు = మాన దగినవాడు; అనక = అనకుండగ; చంపి = సంహరించి; రండి = రండి; ఈ = ఈ; పడచున్ = పిల్లవానిని.

http://www.telugubhagavatam.org/products.php?psid=373&catid=6&scatid=23&ccatid=

~~~|సర్వేజనాః సుఖినోభవంతు|~~~