తెలుగు భాగవత తేనె సోనలు – 109

bhootamulavalana

1-378-క.

భూతములవలన నెప్పుడు

భూతములకు జన్మ మరణ పోషణములు ని

ర్ణీతములు సేయుచుండును

భూతమయుం డీశ్వరుండు భూతశరణ్యా!

          ఆశ్రితవత్సలా! అన్నా! ధర్మరాజా! పరమేశ్వరుడు సర్వభూతంతర్యామి. ఆయన ప్రాణులకు సృష్టి స్థితి సంహారాలు తోటి ప్రాణుల వలననే కలుగజేస్తు ఉంటాడు. – అర్జునుడు అన్న ధర్మరాజుకి కృష్ణనిర్యాణము తెలుపుతు ఆప్తునిగా భగవంతునిగా స్మరిస్తున్న సందర్భంలోది ఈ పద్యం.

1-378-ka.

bhootamulavalana neppuDu

bhootamulaku janma maraNa pOshaNamulu ni

rNeetamulu saeyuchuMDunu

bhootamayuM DeeSvaruMDu bhootaSaraNyaa!

          భూతముల = జీవుల; వలనన్ = వలన; ఎప్పుడు = ఎప్పుడును; భూతముల = తోటి జీవుల; కున్ = కు; జన్మ = పుట్టుకలు; మరణ = మరణములు; పోషణములు = పోషణములను; నిర్ణీతములు = నిర్ణయించుటలు; చేయుచుండును = చేయుచుండును; భూత = సర్వభూతములలో; మయుండు = నిండి ఉండువాడు; ఈశ్వరుండు = భగవంతుడు; భూతశరణ్యా = రాజా {భూతశరణ్య – ఆశ్రయించిన ప్రజలకు శరణము ఇచ్చువాడు - రాజు}.

http://www.telugubhagavatam.org/products.php?pg=3&cntstart=0&psid=227&catid=6&scatid=10

~~~|సర్వేజనాః సుఖినోభవంతు|~~~