Saturday, August 3, 2013

తెలుగు భాగవత తేనె సోనలు_15

 
10.1-368-క.
జ్జలు గల్లని మ్రోయఁగ 
జ్జలు ద్రొక్కుటలు మాని తిజవమున యో
షిజ్జనములు నగఁ దల్లియుఁ 
జ్జం జనుదేర నతఁడు రువిడె నధిపా!
 కృష్ణుని అల్లరి చూసి యశోద దండించ బోగా ఓ పరీక్షిన్మహారాజా! కాలి గజ్జలు గల్లుగల్లు మని మోగుతుండగా చిందులు తొక్కటం మానేసి పరుగెట్టాసాగాడు. గొల్లభామలు చూసి నవ్వుతున్నారు. తల్లి వెంటబడి పరిగెట్టింది. అతను తల్లికి అందకుండా బాగా వేగంగా పరుగెత్తాడు.
          గజ్జలు = కాలిగజ్జలు; గల్లని - గల్లు = గల్లుగల్లు; అని = అని; మ్రోయఁగ నజ్జలు ద్రొక్కుటలు - మ్రోయగన్ = మోగుతుండగా; అజ్జలు = చిందులు; త్రొక్కుటలు = వేయుట; మాని = వదిలేసి; యతి - అతి = మిక్కిలి; జవమున - జవమునన్ = వేగముగా; యోషిజ్జనములు = ఆడవాళ్ళు; నగఁ దల్లియుఁ బజ్జం జనుదేర నతఁడు - నగన్ = నవ్వుతుండగ; తల్లియున్ = తల్లి; పజ్జన్ = కూడా; చనుదేరన్ = వస్తుండగా; అతడు = అతను; పరువిడెనధిపా - పరువిడెన్ = పరుగెట్టెను; అధిపా = రాజా.
 || ఓం నమో భగవతే వాసుదేవాయః ||

No comments: