7-130-క.
"చదువనివాఁ డఙ్ఞుం డగు
జదివిన సదసద్వివేక చతురత గలుగుం
జదువఁగ వలయును జనులకుఁ
జదివించెద నార్యు లొద్ధఁ జదువుము తండ్రీ!"
ఒకనాడు హిరణ్యాక్షుడు ముద్దుల కొడుకు ప్రహ్లాదుని పిలిచి “బాబూ! చదువుకోని వాడు అఙ్ఞానిగా
ఉండి పోతాడు. చదువుకుంటే మంచిచెడు తెలుస్తుంది వివేకం కలుగుతుంది. మనిషి అన్నవాడు తప్పకుండ
చదువు కోవాలి. కనుక నిన్ను మంచిగురువుల దగ్గర చదివిస్తాను. చక్కగా చదువుకో నాయనా!.” అని చెప్పాడు.
చదువనివాఁ డఙ్ఞుం డగు జదివిన - చదవని = విద్యనేర్వని; వాడు = వాడు; అఙ్ఞుండు = ఙ్ఞానములేనివాడు; అగున్ = అగును; చదివినన్ = విద్యనేర్చినచో; సదస ద్వివేక చతురత గలుగుం జదువఁగ వలయును - సత్ = మంచి; అసత్ = చెడుల; వివేక = విచక్షణయందు; చతురత = నేర్పు; కలుగున్ = కలుగును; చదువవలయునున్ = విద్యనేర్చితీరవలెను; జనులకుఁ జదివించెద నార్యు లొద్ధఁ జదువుము - జనుల్ = ప్రజల; కున్ = కు; చదివించెదన్ = విద్యనేర్పించెదను; ఆర్యులు = ఙ్ఞానుల; ఒద్దన్ = వద్ద; చదువుము = విద్యలు చదువుకొనుము; తండ్రీ = అయ్యా.
|| ఓం నమో భగవతే వాసుదేవాయః ||
No comments:
Post a Comment